Hikmat Sobirov tavalludining 100-yilligiga bagʻishlangan tanlangan asarlar, suhbatlar, qutlovlar, xotiralardan tashkil topgan “Ibratli umr yo’llari” kitobi ARMga taqdim etildi.
Bir muddat avval Toshkent moliya institutida Hikmat Sobirov tavalludining 100-yilligiga bagʻishlangan “Moliya tizimini rivojlantirishning zamonaviy tendensiyalari va istiqbollari” mavzusidagi xalqaro ilmiy-amaliy anjuman va “Ibratli umr yo’llari” kitobining taqdimoti boʻlib oʻtgani haqida habar bergan edik.
Bugun ushbu kitob ham Toshkent moliya instituti axborot-resurs markazi fondidan munosib o’rin egalladi. Kitobni bosma hamda elektron shaklda taqdim etgan, ustoz Hikmat Sobirovning farzandlariga, shuningdek bu jarayonda beminat vositachilik qilgan Toshkent moliya instituti xotin-qizlar qo’mitasi raisi B.Nurmuhammedovaga o’z minnatdorchiligimizni bildiramiz.
Kitob haqida qisqacha:
Мазкур китоб ХХ асрда Ўзбекистонда кўзга кўринган жамоат арбоби, молия тарихи асосчиларидан бири, таниқли олим ва иқтисодчи, Ўзбекистонда хизмат кўрсатган иқтисодчи, иқтисод фанлари доктори, профессор, Ҳикмат Собировнинг танланган асарлари ва олимнинг ҳаёт йўли, илмий фаолияти ҳақидаги ҳикояларни ўзига жам этган.“Ибратли умр йўллари“ муаллифнинг кўп йиллик илмий фаолиятининг самараси, унда Ўзбекистонда яшаб ижод қилиб фан хазинасини бойитган буюк алломаларнинг асарларидаги иқтисодий таффаккур ғоялари ва ўзбек халқи иқтисодий тарихининг ёритилмаган саҳифалари таҳлил қилинган. Мазкур китоб уч қисмдан иборат.Китобнинг биринчи қисми Ҳикмат Собиров томонидан яратилган “Ўзбекистон Давлат молия тарихи” деб номланган ўқув дарслигини ўз ичига олган. Унда Ўзбекистон давлат молиясининг курси Янги Ўзбекистон тарихини таркибий қисми сифатида кўрилиб, қадимги даврдаги Марказий Осиё давлат молияси, Амир Темур давридаги ўзбек давлатчилиги молияси, Қўқон, Хива хонликлари ва Бухоро Амирлиги молияси, Туркистон генерал -губернаторлигининг молиялари таҳлил қилинади. Шу билан бирга мустақил Ўзбекистон молиясининг шаклланиш даврига ҳам китобда муносиб ўрин ажратилган.Шунингдек, мазкур китобнинг “Иқтисодий таффакур гулшани” деб номланган иккинчи қисмида иқтисодий тарихимизни ўрганишда муҳим манбалардан ҳисобланган Амир Темурнинг “Темур тузуклари”, Ал-Марғилонийнинг “Ал-Ҳидоя“, А.Навоийнинг “Вақфия”, Берунийнинг “Ферузаси”, Беҳбудийнинг “Жуғрофия дарсликлари” каби ноёб асарлари таҳлил қилинади ва уларнинг иқтисодий тарих учун муҳим тарафлари кўрсатиб берилади.Шунингдек, китобнинг иккинчи қисмида Ўзбекистон тарихида иқтисодиётни тутган ўрни бир қатор илмий-оммабоп мақолалар -“Мустақиллик ва пул”, ”Ҳисобли дўст айрилмас”, ”Амир Темур опередил Адама Смита” , ”Бухоро амирлигининг олтинлари “ орқали кўрсатиб берилади.Китобнинг учинчи қисми “Хотиралар ва суҳбатлар” деб номланган. Бунда олимнинг ҳаёт йўли унинг оила аъзолари ва шогирдларининг эсдаликлари, кичик мақолалар орқали баён қилинади.“Ибратли умр йўллари” китобига киритилган асарлар, мақолалар, маълумот ва таҳлил, ёдномалар Ўзбекистон молия тарихини ўрганишда муҳим манба бўлиб хизмат қилади.
