Darslikda «Industrial iqtisodiyot» fanining predmeti va vazifalari, iqtisodiyotning eng muhim, yetakchi tarmog’i bo‘lgan sanoatning milliy iqtisodiyotdagi roli, o‘rni va ahamiyati, tarkibiy muammolar, boshqarish va rejalashtirishning ilmiy asoslari, fan-texnika taraqqiyoti, kadrlar va mehnatga haq to‘lash, asosiy va aylanma fondlar, mahsulot sifati va raqobatbardoshlik, qiymat va tannarx, foyda va rentabellik hamda baho masalalari yoritilgan. Unda bir qator uslubiy masalalar va sanoat sohasida yuz beradigan iqtisodiy jarayonlarning mohiyatini ochib berishga ham alohida e’tibor berilgan. Darslik iqtisodiyot yo‘nalishida tahsil oluvchi talabalar, ilmiy-tadqiqot ishlari bilan shug‘ullanuvchi doktorant va tadqiqotchilar, malaka oshirish kurslari tinglovchilari uchun mo‘ljallangan. Shuningdek, ushbu darslikdan tarmoqlar iqtisodiyoti va investitsiya siyosati muammolariga qiziquvchilar ham foydalanishlari mumkin.
