Мазкур дарслик тингловчиларнинг Коррупцияга қарши курашиш фани бўйича назарий билимлари, норматив-ҳуқуқий ҳужжатларнинг нормаларини амалиётда қўллаш кўникмаларини шакллантириш, “ҳалоллик вакцинаси” тамойили асосида коррупцияга қарши курашиш, манфаатлар тўқнашуви ва одоб-ахлоқ қоидалари бўйича ташкил этиладиган ўқув курсларида фойдаланиш мақсадида тайёрланган. Дарслик Давлат бошқаруви академияси ва Ўзбекистон Республикаси Коррупцияга қарши курашиш агентлиги ҳамкорлигида тайёрланди. Дарсликни тайёрлашда Давлат бошқаруви академияси, Коррупцияга қарши курашиш агентлиги, Бош прокуратура академияси, Тошкент давлат юридик университети профессорўқитувчилари, олимлар ва амалиётчи мутахассислар иштирок этдилар. Дарсликда жамиятда коррупцияга қарши муросасизлик маданиятини шакллантириш, давлат хизматчилари одоб-ахлоқи ва маданияти, давлат хизматида манфаатлар тўқнашувини бартараф этишнинг ташкилий-ҳуқуқий асослари, коррупцияга қарши курашиш соҳасидаги қонун ҳужжатлари, коррупцияга қарши курашиш соҳасидаги давлат сиёсатининг асосий йўналишлари, коррупцияга қарши курашишда хорижий тажриба каби мавзулар ёритилган.
