Ishning maqsadi elektron tijoratni takomillashtirish, uni turli sohalarda joriy etishni tashkil qilish orqali mamlakat iqtisodiyotini rivojlantirishga qaratilgan ilmiy taklif va amaliy tavsiyalar ishlab chiqishdan iborat. Vazifalari esa axborotlashgan iqtisodiyot va uning o‘ziga xos xususiyatlarini o‘rganish, unda elektron tijoratni qo‘llashning zaruriyatini ochib berish, elektron tijorat turlari va infratuzilmasi mohiyatini ko‘rsatish, O‘zbekistonda elektron tijoratning me‘yoriy-huquqiy asoslarini tahlil qilish, xorijiy mamlakatlarda elektron tijoratning rivojlanish tendensiyalarini ko‘rib chiqish, O‘zbekistonda elektron tijorat holatini tahlil qilish, mamlakatimizda dasturiy mahsulotlar yaratishni qo‘llab quvvatlash loyihalarini o‘rganish, elektron tijorat qonunchiligini takomillashtirish yo‘nalishlarini aniqlash va dasturiy mahsulotlar savdosida elektron tijoratni yo‘lga qo‘yish masalalarini tadqiq etishni o‘z ichiga oladi.
