Ушбу ўқув қўлланма Ўзбекистон Республикаси Олий ўқув юртлари талабалари, умумий ўрта таълим мактаблари ўқувчилари, болалар ва ўсмирлар спорт мактаблари (БЎСМ), мактаб–интернатлари ва мактабгача таълим тизими ўқувчилари ҳамда шахмат ишқибозларига мўлжалланган. Ушбу ўқув қўлланмада шахмат ўйинининг тарихи, ривожланиш босқичлари, ўтказилган жаҳон чемпионатлари ҳамда Ўзбекистондан етишиб чиққан машҳур шахматчилар тўғрисидаги назарий маълумотлар жадваллар, диаграммалар ва расмлар кўринишида берилган. Бундан ташқари, шахмат ўйинининг назарияси ва методикаси, шахмат атамалари (терминлари), комбинациялар, масала ва этюдлар, глоссарий ҳамда қизиқарли тестлардан ташкил топган. Қолаверса, шахмат ўйинининг ёшлар маънавий тарбиясидаги ўрни, аҳамияти ва уларнинг ақлий салоҳиятларини ошириши тўғрисида ҳам фикр юритилган.
