Дарсликда иқтисодиётни давлат томонидан тартибга солишнинг зарурлиги, мазмуни, мақсади, вазифалари ва усуллари, уни амалга ошириш тамойиллари ҳамда асосий йўналишларига ва механизмларига оид мавзулар ёритилган. Унда давлат томонидан иқтисодиётни бошқариш ва тартибга солишга қаратилган сиёсатнинг шакллари, восита ва усулларининг қўлланиши илмий-назарий жиҳатдан таҳлил қилинган. Шунингдек, мамлакатни модернизация қилиш ва ислоҳ этишни янада чуқурлаштиришга йўналтирилган давлат иқтисодий сиёсатининг амалга оширилаётганлиги натижасида Ўзбекистонда барқарор иқтисодий ўсиш таъминланганлиги ишонарли далиллар асосида кўрсатиб берилган бўлиб, иқтисодчи олимлар ва ўқитувчилар, тадқиқотчилар, олий ўқув юртлари талабаларига мўлжалланган.
